.png "Grammar必讀課程")
每個文法概念只係學過一次 = 真正掌握？
我哋設有不同程度嘅文法課程，更精心設計咗市場上罕有、由最淺層教起嘅文法課程。呢啲正正就係高小校內考試甚至 DSE 都經常考嘅「底層邏輯」。
例如：詞性選擇 (parts of speech)、遺留或亂加 a / an / the / ~s/es / ~ed / ~ing / to、介詞 (如 in, on, at) 等等。喺一份考試卷裡邊，同一個基礎概念可能出現幾次，但小朋友只係曾經零碎地學過一次，又點會真正掌握到呢？
喺小學六年裡，核心文法都只係「教過一次就算」，同學不但混淆文法結構，仲根本唔知幾時要用邊個。試睇下以下三句簡單嘅句子：
A) Recycling old books can help save the Earth.
B) One of my best friends is reading a useful book.
C) The book that I bought yesterday is interesting.
三句都有 -ing，但用法完全唔同。只要聽完我哋喺基礎文法課程有系統嘅講解之後，小朋友就可以真正 100% 掌握以上嘅用法，並且完全明白點解以下句子需要連用三個 -ing：
✅ Tom is considering writing touching stories.
(呢度嘅 "touching" 唔係動詞「接觸」，而係形容詞「令人感動的」)
✅ Enjoying reading boring books is very strange.
當然，以上兩句仲有其他嘅改寫方法。但係講返 A), B), C) 嘅例子先，有冇發覺就連三句嘅 book 呢個字嘅配搭要求 (+s, +a, +the) 都係完全唔同嘅。
其實，仲有其他地方值得思考：
A) 點解 "help" 同 "save" 中間有時會有 "to"，有時會冇？同埋 "Earth" 點解有時大階有時細階？同埋 "the" 呢個字，究竟有#幾多個用法呢？
B) "friends" 明明係眾數 (有 "s")，但小學老師教過前邊嗰個名詞有 "s" 後邊「BE動詞」要用 "are" 喎？點解今次係用 "is"？同埋 A、E、I、O、U 起頭嘅字前邊要用 "an"，又點解 "useful" 前邊要用 "a" 呢？
C) 明明有 "yesterday" 呢個字，點解會用現在式 "is"？同埋 "interested" 同 "interesting" 呢類題目只能夠十題啱八題，但每年 DSE 都必有大約三題考呢個觀念，究竟點樣可以百發百中呢？
註#: 其實 "the" 呢個冠詞有超過 10 個用法，單單喺基礎文法課程 [EG1 或 EG2] 裡面，我哋已經教小朋友點樣有效地分辨其中 9 個最常用嘅用法，另外仲教埋咩時候反而要用零冠詞 (Zero Article)，即係幾時唔可以亂加 "a", "an", "the"。
喺考試裡面，就算 "Fill In The Blank" 提供埋生字俾小朋友選擇，但其實佢哋唔知道背後係同時考緊幾個文法邏輯。假設一條題目背後牽涉四個文法邏輯，而小朋友對每個邏輯嘅掌握度係 80%（看起嚟都幾高），但其實呢一題嘅最高命中率只係：
80%（詞性嘅選擇）
× 80%（Active VS Passive Voice）
× 80%（Tenses）
× 80%（Subject-verb agreement）
仲未計考試壓力、時間限制、題型變化等因素
我哋嘅教學理念：意思 > 文法
（應該要先諗意思，之後先諗文法）
文法只係一個表達意思嘅工具。好多同學嘅基本文法錯漏百出，一句簡單嘅句子甚至有幾個文法錯誤，導致詞不達意。其實只要真正理解文法背後嘅邏輯，好多嘢根本唔使死記硬背。
當一個中游水平嘅同學經過咁多年嘅努力都係浮浮沉沉，呢個時候要學習嘅唔係更高級嘅知識，反而係應該返轉頭將個基礎打得更加穩陣，先至會見到大突破。當基礎真係穩陣嘅時候，將來幾高深嘅嘢都會學得到，亦學得好。
高級英文知識係由無數嘅中級知識混合而成，而中級知識係由無數嘅基礎知識混合而成。呢個世界根本冇坊間所講嘅「5** 嘅生字或句式」，而有不少同學死背咗好多所謂「高深生字或句式」，喺考試裡邊用出嚟，只會錯漏百出，詞不達意。
就算喺 DSE 呢個高難度嘅公開試，每年平均有大約 44% 嘅考生未能取得 Level 3 或以上。其中一個重大原因：好多睇起上嚟好基礎嘅「底層邏輯」，因為只係喺小學零碎地學過一次，根基一直都談不上穩陣，導致被扣大量分數。
我哋嘅教學特色：「混合教」
除咗會先教清楚文法概念嘅結構同用法，我哋更著重教同學點樣將今堂學嘅文法概念，跟上一堂、甚至前幾堂學過嘅概念結合成更高程度嘅句子。
更重要嘅係：我哋嘅教學理念唔止追求文法正確，而是會先教導同學諗清楚自己想表達嘅意思，之後先決定用邊個合適嘅文法結構。
因為學校逐類拆開嚟教，教完一個概念隔幾個月先教另一個相關概念，從來冇人幫小朋友將佢哋並排比較、一次過分辨清楚。與其盲目做無數練習，不如用 6 堂時間參加我哋成效見稱嘅「皇牌文法課程」，設有不同程度，由我哋有系統地幫小朋友徹底清一次個底 — 效果可能好過盲目操卷 10,000 題。
 (880).jpg "免費試堂")
.jpg "2026暑期班")
.jpg "恭喜小五同學，讀咗9個月升4級")
.png "四間名校中學同學 成績飆升")
B-01.jpg)