👑 神級英文文法課程  絕大部分同學 6 堂見效 👍

非一般文法課程，開辦多年，好評如潮

每個文法概念其實只係一生學(聽)過一次 = 識? = 精準? = 攞到分?

我哋設有不同程度嘅文法課程，更精心設計咗市場上罕有由最淺層教起嘅文法課程，正正就係高小校內考試甚至 DSE 都會經常考嘅「底層邏輯」，例如: 詞性選擇(parts of speech)，遺留/亂加無數a, an, the, ~s/es, ~ed, ~ing, to, 介詞(如: in, on, at)等等，甚至喺一份考試卷裡邊同一個基礎概念出現幾次，但好可惜，小朋友只係曾經零碎地學過一次，又點會真係掌握到呢? 

----------------------------------------------------------------------------------------------------

喺小學六年裡，核心文法都只係「教過一次就算」，同學不但止混淆文法結構，仲根本唔知幾時要用邊個。試試睇下以下三句簡單嘅句子:

A) Recycling old books can help save the Earth.

B) One of my best friends is reading a useful book.

C) The book that I bought yesterday is interesting.

三句都有 -ing，但用法完全唔同嘅。只要聽完我哋喺基礎文法課程有系統嘅講解之後，小朋友就可以真係100% 掌握晒以上嘅用法，就會完全明白點解以下句子需要連用三個 -ing:

✅ Tom is considering writing touching stories. (呢度嘅"touching"唔係動詞: 解「接觸」，而係形容詞: 解「令人感動的」)

✅ Enjoying reading boring books is very strange.

當然，以上兩句仲有其他嘅改寫方法。但係講返再上邊嘅 A), B), C) 嘅例子先，有冇發覺就連三句嘅書本(book)呢個字嘅配搭要求(+s, +a, +the)都係完全唔同嘅。其實，仲有其他地方值得思考: 

A) 點解"help"同"save"中間點解有時會有"to"，有時會冇"to"嘅? 同埋個"Earth"呢個字點解有時係大階，有時係細階嘅? 同埋"the"呢個字，究竟有#幾多個用法呢?

B) "friends"明明係眾數(有"s")，但係小學老師好似教過我哋前邊嗰個名詞有"s"後邊「BE動詞 - 現在式」要用"are"喎? 點解今次係用"is"嘅? 同埋老師又好似教過我哋，當 A、E、I、O、U 起頭嘅字前邊要加"a"或者"an"，又點解"useful"前邊要用"a"呢?

C) 以前嘅老師又教過我哋做時式(Tenses)嘅題目要睇關鍵字，明明有"yesterday"呢個字，點解會用現在式"is"呢? 同埋睇落去，"yesterday"都是單數，最多都是用"is"，但又點解要用"are"呢？連 "interested"同"interesting"呢類題目都只能夠十題啱八題，但係每年 DSE 都必有大約三題考呢個觀念，又究竟點樣可以百發百中呢?

註#: <其實"the"呢個冠詞有超過10個用法，單單喺基礎文法課程[EG1或EG2]裡面，我哋已經教小朋友點樣有效地分辨其中9個最常用嘅用法，另外仲教埋咩時候反而要用零冠詞(Zero Article)添，即係反而係幾時唔可以亂加"a","an","the">

----------------------------------------------------------------------------------------------------

喺考試裡面，就算"Fill In The Blank"呢個部分上邊提供埋生字俾小朋友選擇，但係其實佢哋唔知道背後係同時考緊幾個文法邏輯。假設有一條題目背後牽涉四個文法邏輯(=四課書)，而小朋友對每個邏輯嘅掌握度係 80% (看起嚟都幾高嘅百分比)，但其實呢一題嘅最高命中率只係約 41% (仲要未計考試壓力、時間限制、題型變化呢啲因素!)。例如: 喺一題同時牽涉四個文法邏輯嘅題目裡面:

80% (詞性嘅選擇，例如: success, succeed, successful, successfully，個個字嘅樣咁似樣，應該點樣分辨呢?) 

× 80% (Active VS Passive Voice，例如: My mother cooked yesterday. VS My mother was cooked yesterday. 第二句只係多咗一個字"was"，原來意思可以嚇死人😱! 兩句又有咩分別呢?) 

× 80% (Tenses，英文時式總共有12個，究竟幾時要用邊個時式呢? 同埋個結構又點砌出嚟呢?)

× 80% (Subject-verb agreement，例如: The news made up by the two brothers is shocking. 點解"brothers"明明有"s"，但係後面唔係用"are"，而係要用"is"呢? 而就算同"brothers" 呢個字無關，咁如果係同"news"呢個字有關，但係"news"明明都有"s"喎，咁仲唔係用"are"咩？)

= 最高命中率: 約 41% (重複: 仲要未計考試壓力、時間限制、題型變化呢啲因素!)

----------------------------------------------------------------------------------------------------

我哋嘅教學理念: 意思>文法 (應該要先諗意思，之後先諗文法!)

其實，文法只係一個表達意思嘅工具，但係好多同學嘅基本文法都錯漏百出，一句簡單嘅句子甚至有幾個文法錯誤，導致詞不達意，最重要係對考官嘅觀感會變得很差。其實，喺一句英文句子裡面，多一個字或者少一個字，有時係「啱」與「錯」嘅分別；但係，多一個字或者少一個字，有時兩句都啱，卻係意思嘅分別。

當一個中游水平嘅同學經過咁多年嘅努力都係浮浮沉沉，呢個時候要學習嘅唔係更高級嘅知識，反而係應該返轉頭將個基礎打得更加穩陣，先至會見到大突破。當基礎真係穩陣嘅時候，將來幾高深嘅嘢都會學得到，亦學得好。高級英文知識係由無數嘅中級知識混合而成，而中級知識係由無數嘅基礎知識混合而成。呢個世界根本係冇坊間所講嘅5**嘅生字或句式，而有不少同學死背咗好多所謂「高深生字或句式」，喺考試裡邊用出嚟，只會係錯漏百出，詞不達意，格格不入。

而就算喺 DSE 呢個咁高難度嘅公開試，每年平均有大約 44% 嘅考生未能取得 Level 3 或以上，其中一個重大嘅原因就係: 好多睇起上嚟好基礎嘅「底層邏輯」，因為其實只係喺小學零碎地學過一次，所以根基一直都談不上穩陣，而導致到被扣大量分數。

我哋嘅教學賣點係「混合教」，除咗會先教清楚文法概念嘅結構&用法，我哋更著重教同學點樣將今堂學嘅文法概念，跟上一堂、甚至前一堂裡邊學過嘅文法概念結合成更高程度嘅句子。更重要嘅係: 我哋嘅教學理念唔係只係追求文法正確，而是會先教導同學諗清楚自己心中想表達嘅意思，之後先決定用邊個合適嘅文法結構。

因為學校逐類拆開嚟教，教完一個概念隔幾個月先教另一個相關嘅概念，所以從來冇人幫小朋友將佢哋並排比較、一次過分辨清楚。與其盲目做無數練習，不如用 6 堂時間參加我哋成效見稱嘅「皇牌文法課程」，設有不同程度，由我哋有系統地幫小朋友徹底清一次個底，效果可能好過盲目操卷 10,000 題。

----------------------------------------------------------------------------------------------------